ali_2244

​​Ibrat koʻzi

Yigʻlab derman: "Dardim katta,

Voy-dod najot qaydadir",

Falastinliklarga boqsam-

Dardim oʻta maydadir!

Hijobsizning  sochin maqtab bagʻoyat

Shoir sheʼr bitadir, Roviy rivoyat

Qoʻyaver ... Ey Gʻuncha sening hijobing

Sheʼrlarda mavzumas , QURʼONda oyat

Ramazondan ramazongacha…

Dil sarosar, termular mahzun

U azondan bu azongacha.

Umr - yoʻgʻon ichakdek uzun,

Ramazondan ramazongacha.

Umummiz va safda yalpimiz

Aylanguncha barg xazongacha.

Shaytonlarga oʻlja qalbimiz

Ramazondan ramazongacha!

Oh, chap yelka farishtamizga

Ish topilar tun - azongacha.

Ishonch ham yoʻq sarishtamizga

Ramazondan ramazongacha!

Lain, daf boʻl, yoʻlingdan qolma,

Quvma Shoshdan Xurosongacha.

Alloh, Alloh, jonimiz olma

Ramazondan ramazongacha!

Boʻm-boʻsh turar shaytoniy qafas,

Yel koʻpirar sel, toʻzongacha.

Bir amallab yashab oʻtsak, bas,

Ramazondan ramazongacha!

Ramazonning so'ngi kunlari! 🥺

Nigohim muzlagan-sokin samolar...

Derlar, gumon edi, gumon uchishi.

Mahzun yuragimni hayratga solar.

Yaralangan qushning hamon uchishi!

​​ЗАМИННИНГ_ИФТОРЛИГИ

Рамазонда ўйлаб Ғазоликларни,

Юрак ўйнаб қолиб мазам қочади.

Ер ҳам рўзадордир ғазоликни еб,

Ҳар кун оғзин "ёпиб", оғзин" очади".

Саҳарликка қилар мудом тановул,

Фаластинликларни афсус она ер.

Ифторлик ҳам қилар уларни нуқул,

Ё Раб диндошларга Ўзинг ёрдам бер!