Fayzullo Samatov

Дўст

Жаъфари Содиқ р.а. дўст танлаш борасида шундай тавсия берганлар:

- “Беш тоифа инсон билан дўст бўлишдан сақланинг:

1. Ёлғончи билан дўстлашманг. Чунки у худди сароб сингари узоқни яқин, яқинни эса узоқ кўрсатиб, доимо сизни янглиштиради.

2. Аҳмоқ билан дўст бўлсангиз, сизга фойда келтиришни истагани ҳолда, ҳамиша зарар келтиради.

3. Бахил билан дўст бўлманг. Чунки дўстингизман десада, ҳатто жуда муҳтож бўлиб турган пайтингизда бошқаларга нисбатан хасислигини сизга ҳам қилади.

4. Қўрқоқ билан дўстлашсангиз, таҳликали онларда сизни ёлғиз ташлаб, ўз жонини қутқариш пайида бўлади.

5. Фосиқ кимса билан дўст бўлмангки, у сизни истаган пайтида бир луқма емак ёки бундан ҳам озига алмаштиришдан тоймайди”.

ОДАМЛАРДАН РАНЖИМА!

Одамларнинг қилган ишларига сиқилма! Чунки уларнинг сенга нисбатан энг юқори даражада қиладиган ишлари ҳам Аллоҳ ирода қилган нарсани амалга ошириш холос.

Муҳаммад Мутаваллий Шаъровий

* Ҳа, одамлар сизга нисбатан қандай жирканчликларни қилаётган бўлсалар, тақдирингизга ёзилган нарсани қилишаётган бўлади. Улар ундан бошқа нарсани қилиша олмайди. Шундай экан, уларга айтадиган сўзимиз: “Шу ифлосликлар сен орқали бажарилаётгани учун сенга ачинаман”.

#ҳаёт...

Ҳаёт шахматга ўхшайди. Бирор ҳаракатни бошлашдан олдин, яхшилаб ўйлашинг лозим.

Изоҳ:

Дарҳақиқат, дунё шахматга ўхшайди. Оқ ва қора катаклар кун ва тунни билдиради. Доналарнинг бир хил эмаслиги эса одамларни ҳар хил ҳолат ва ҳар хил вазифада бўлишига далолат.