bintu Nodir

Qur’onga sodiq qolish – hozirgi kunimizdagi sobitlikning eng katta vositasidir. Bu sodiqlikda xolis boʻlgan kishiga vasvasa botqogʻidan himoya boʻluvchi metin, ishonchli qalqon ato qilinadi.

Qur’on nafsning yomonlikka undovchi shahvatlaridan qutqaruvchi kemadir. U nafaqat oxiratda, balki hayoti dunyoda ham eng sodiq hamrohdir.

U oʻz sohibini himoya qilib, uni yuksak manzila va darajalarga ko\'taradi.

«Albatta, bu Qurʼon eng to‘g‘ri yo‘lga hidoyat qilur va yaxshi amallarni qiluvchi mo‘minlarga, albatta, o‘shalarga, ulug‘ ajr borligi xushxabarini berur.»

[17:9]

( Xodimatul Quran)

Odam zoti bilsa ekan maqtanishni ham,

Lekin, hazm qilolmadim bir holatni hech :

Uni yomon demasidan birorta odam,

Yaxshiman, deb dod soladi ertadan to kech...

A.Oripov

Rasuli Akram xutbalardan birida shunday dedilar :

" Mo'min kishi ikki xavf o'rtasida bo'ladi: Alloh unga nima qilmoqchiligini bilmay o'tgan muddat bilan, Alloh qanday hukm qilmoqchiligini bilmay qolgan muddat o'rtasida bo'ladi. Batahqiq, banda nafsidan o'zi uchun, dunyosidan oxirati uchun, hayotidan o'limi uchun, yoshligidan keksaligi uchun bir narsa hozirlasin. Albatta, dunyo sizlar uchun yaratilgan, sizlar oxirat uchun yaratilgansizlar. Nafsim qo'lida bo'lgan Zotga qasamki, o'limdan keyin ta'na-malomat qiluvchi yo'q, bu dunyodan keyin jannat va do'zahdan boshqa joy yo'q! "

Bayhaqiy rivoyati

Payg'ambar alayhissalam o'z hadislaridan birida : "E'tiborli har bir ish "Bismillah" bilan boshlanmas ekan, uning oxiri kesikdir" deganlar, ya'ni uning barakasi bo'lmaydi, oxiriga yetmaydi.

Nafsing shahvatlarni qondirishni istaganda uni shariat jilovi bilan yuganla (!) Ko'zingni haromga tikishdan va qalbingni shahvatlarga moyillikdan saqlay olsang, qalbing obod va yaroqli bo'ladi.