Роббингиз сизни унутгани ҳам йўқ,
ёмон кўриб ҳам қолмади.
Қалбингиз Аллоҳ деб уриб турар экан билингки, сиз Аллоҳ учун қадрлисиз, суюмлисиз.
Инсонлар қадрингизни билмасликлари сизни маҳзун қилмасин, биродарим.
Сиз Аллоҳ наздида қадри баландлардансиз.
Сизни ёмон кўриб, хатоларингизни изловчилар, сизни маҳзун этмасин
Аллоҳ сизни ҳасанотларингизни кўпайтириб, ёздирмокда
Сизни инсонлар тақдирламасликлари сизни чўктирмасин, сизни бошларингизга бахт тожини кийдирувчи Роббингиз амалларингиздан бохабар турибди
Сизни фақат камчиликларингизни юзингизга солувчи инсонларни озорлари сизни ҳаётдан ноумид қилмай турсин
Бир яхшиликка минг яхшилик қайтарувчи Роббингиз сизни кутмоқда
Маҳзун бўлманг, синманг,
сиз Аллоҳнинг қулисиз, дунё қуллигидан қутулинг.
Оламларга раҳмат бўлиб келган Зотни ҳаётлари ҳаётингиз бўлсин
Оч бўлсаларда саҳиҳ бўлдилар,
душман гирдобида яшабда, бахтли ўтдилар
Сизга тош отганга ошлар илиниб ўтинг
Сизга тикон бўлиб ботганга асал тутиб малҳам бўлиб ўтинг
Сизга нафрат қилганларга раҳмат бўлиб туриб беринг
Ҳасад қилганга ҳавас қилишни,
Ғийбат қилувчиларга ҳасанотлар санашни ўргатиб ўтинг
Сиздан гулзорлар қолсин, тиконзор бўлишдан эҳтиёт бўлинг
Аллоҳ учун тавозели бўлинг, кибрли Иблисдан узоқ туринг
Аллоҳнинг раҳматидан умидда
Аллоҳнинг азобидан паноҳ сўраб яшаб ўтинг
Яхши амал қилгач, қалбларингиз кибр қилмай, титраб турсин.
Қабул бўлармикин дея кўзларингиз намланиб ўтсин
Роббингизни Улуғ,
ўзингизни хақир санаб ўтинг
Роббингизни бой, ўзингизни гадой билиб ўтинг
У Зот Қодирдир, сиз эса ночор
У Зот Буюк Холиқдир,
сиз эса бечора махлуқ
Ўзлигингиз унутманг, тупроқ эдингиз, тупроққа қўйилурсиз
Оқ матога ўраб кутиб олиндингиз,
оқ матога ўраб кузатилурсиз,
Иккисини ўртасида бирозга бўлсада кимлигингиз унутмай ўтинг.
Унутганлар унутиладилар,
зикрда ўтганлар зикр қилинадилар.
Аллоҳни эсланг, Аллоҳ само аҳли ўртасида сизни эслайди
Дунёларни мадҳ этганни дунё ўзи хорлайди.
Роббингиз зикри ила қалбингиз уриб турсин
Шундагина Аллоҳ сизни унутмайди, ёмон ҳам кўриб қолмайди.
✅@ikki_nuur
7
