العابد الزاهد العبد لله

» "فتبسَّمَ النبيُّ ﷺ"

-‏البخاري ١٠٢١-.

» ‏"فضحِكَ النبيُّ ﷺ"

-‏البخاري ١٩٣٦-.

» ‏"فسكَتَ ﷺ هُنَيهَةً"

-‏البخاري ٣٦٩٥-.

» ‏"حزُنَ النبيُّ ﷺ"

-‏البخاري ٦٩٨٢-.

» ‏"فبكَى النبيُّ ﷺ"

-‏البخاري ١٣٠٤-.

‏ما أعظمَهُ مِن نبيٍّ، حُفِظَت لنا بسمَاتُه، وضحكَاتُه، وسكتَاتُه، وحزنُه، وبكَاؤُه ﷺ.

اللهم أحيِنا وأمتنا على سنته واحشُرنا في زمرته، وارزقنا شفاعته.

"ومن قلَّةٍ نحن يومئذٍ ؟ "

لما تشوف أعداد المسلمين الكتييييير أوي اليومين دول ماتصدقش حالة الاستضعاف اللي موجودة

وماتصدقش ان فيه حد بيعتدي عليهم وهو آمن من العقوبة

ولكن تقول صدق رسول الله اللي قال : "بل أنتم يومئذٍ كثيرٌ ، ولكنَّكم غُثاءٌ كغُثاءِ السَّيلِ"

بالعدد كتيييييير اه ولكن بالتأثير قليل جدااااا طب ليه وايه السبب ؟؟

بردو النبي عرفنا السبب اللي هو حب الدنيا

حب الدنيا اللي خلا كتيييير يجروا ورا متعتهم في الحياة وينسوا حق دينهم

حب الدنيا اللي خلا كتيييير يضيع الصلاة وتضيع الحجاب ويتعلمل بالربا وغيره كتيييير لغرض واحد بس اتمتع بحياتي

لو حابب يكون ليك دور من وانت في مكانك لنصرة الأقصى ،،

لو عاوز الأقصى يتحرر بجد مش كلام ،،

تحرر إنت أولا من سجن الدنيا وعلق قلبك بالآخرة

شوف إيه اللي يرضي ربنا واعمله حتى لو ضد هواك وحتى لو هيأثر شوية ع حياتك

بس ساعتها هتكون من الجيل اللي يستاهل النصر فعلا "إِن تَنصُرُوا اللَّهَ يَنصُرْكُمْ"

#رسايل

انت متخيل إن فيه ناس مننا عاديين ربنا هيرزقهم يوم القيامة بمكانة عظيمة جدًا، لدرجة إن الأنبياء والشهداء هيغبطوهم على المكانة دي؛ وهيتمنوا لو يكونوا في نفس مكانتهم!

في يوم سيدنا النبي ﷺ بَص للصحابة رضوان الله عليهم وقالهم: "إنَّ مِن عبادِ اللهِ لَأُناسًا ما هم بأنبياءَ ولا شُهداءَ، يغبِطُهم الأنبياءُ والشُّهداءُ يومَ القيامةِ بمكانِهم مِن اللهِ تعالى".

فَالصحابة استغربوا وبقى عندهم فضول يعرفوا مين الناس دي، فسألوا سيدنا النبي ﷺ: "يا رسولَ اللهِ، تُخبِرُنا مَن هم؟"

فقال ﷺ: "هم قومٌ تحابُّوا برُوحِ اللهِ على غيرِ أرحامٍ بَيْنَهم، ولا أموالٍ يتعاطَوْنَها، فواللهِ إنَّ وجوهَهم لَنُورٌ، وإنَّهم على نُورٍ، لا يخافونَ إذا خاف النَّاسُ، ولا يحزَنونَ إذا حزِن النَّاسُ".

ناس بيحبوا بعض لله في لله وبس، لا بسبب إن بينهم مصلحة ولا نسب ولا أموال ولا مشاريع، حب خالص لوجه الله، بيودّوا بعض ويدعوا لبعض بالخير دايما..

وشوشهم هتبقى مليانة نور وبسبب قربهم من الله لا هيخافوا ولا هيحزنوا يوم القيامة

وبعد كده سيدنا النبي ﷺ تلى الآية القرآنية

"أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ"

اللهم اجعلنا منهم يارب ❤️🤲

‏﴿ قَالَ أَخَرَقْتَهَا لِتُغْرِقَ أَهْلَهَا ﴾

يحميكَ اللهُ بِطُرُقٍ لا تفهَمُها

والكثيرُ من الحِمايةِ يأتي مقروناً بالوجع!

‎