qiymatligaplar

Onajon qiynalmay o'tiribsizmi?

Tushimga kiribsiz hol axvol so'rab,

Hasta bo'lsangiz ham bolangiz avrab,

Oyning yog'dusida sochingiz tarab,

Onajon qiynalmay o'tiribsizmi?

Dil hasta nigohlar boqib eshikka,

Hasratingiz belab men deb beshikka,

Yaxshiman degan so'z chiqdi ertakka,

Onajon qiynalmay o'tiribsizmi?

Dardning osmonida quzg'un o'g'lingiz,

Og'rimay qoldimi o'ng oyog'ingiz,

Sirdosh topolmayin bitta o'zingiz,

Onajon qiynalmay o'tiribsizmi?

Qaytish uchun fursat onlari yaqin,

Sizga talpingan dil qilmoqda talqin,

Sokingina artib sog'inch peshtoqin

Onajon qiynalmay o'tiribsizmi?

Tushimga kiribsiz hol axvol so'rab...