Abdulaziz_Abduqayum

Mirzolar – Mishaga aylangan yillar,

Suvonlar – Sashaga aylangan yillar,

Alisher – Alikka, Kamol – Kolyaga,

Muattar – Mashaga aylangan yillar,

Men sizdan oʻkinib yashayman.

Gulchehra ismini “Gulya ”deganlar,

Zulxumor, Zumradni “Zulya” deganlar,

Rostmana nomini aytsang ortingdan,

“Madaniyatsiz boʻlmay, oʻl-ye”, deganlar,

Men sizdan oʻkinib yashayman.

“Borya” yozganlardan Bobur xafadir,

“Tolya” yozganlardan Temur xafadir,

“Fedya ”yozganlardan Farhod koʻngli gʻash,

Qolganidan yana kimdir xafadir,

Men sizdan oʻkinib yashayman...

✍ Erkin Vohidov

🎙 Qamariddin Bekmuhammad oʻqigan.