Javlonbek_mishary

ҲАЗРАТИ ИНСОНЛАР

Ҳаёти серчирой, достонлар ёзган,

Достонлар ичраким бўстонлар ёзган.

Оҳ, аларни олқишлаб осмонлар ёзган,

Ҳазрати Инсонлар ўтди оламдан,

Бир нур кетиб қолди худди оламдан!

Кўзларда ҳаловат, юракда иффат,

Ҳар юрмиш қадамда, тилакда иффат.

Покиза яшолган Бухорийсифат

Ҳазрати Инсонлар кетди оламдан,

Дунёлар йиғлади аччиқ аламдан!

Аларнинг яшовчи юрти – яхшилик,

Аларни бошловчи юрти – яхшилик.

Одамлар улардан кўрди яхшилик –

Ҳазрати Инсонлар ўтди оламдан,

Аччиқ ёшлар оқди дардли қаламдан.

Тунда юлдуз мисол чароғон порлаб,

Энг нурли манзилга жимгина чорлаб,

Биздек яшаб ўтинг дея такрорлаб,

Ҳазрати Инсонлар ўтди оламдан,

Қуёш йўқолгандек худди оламдан.

Жимгина йўл олинг иффат боғига,

Тўрни бўшатинг-ей кўнгил оҳига.

Энг биринчи сабаб ойнинг доғига –

Ҳазрати Инсонлар ўтди оламдан,

Фарёдлар янграйди бугун аламдан.

@Xayrulla_Hamidov_adabiyot