al_avvaliy

Кимсалар бор...

Бир қуёшдин чўлда янтоқ, боғда гул-раъно битар,

Бир қаламдин ким ғазал-у ким эса иғво битар.

Кимса борки, бир дарахтни ўт ёқиб косов қилур,

Кимса борки, бир чивиқдан ўстириб асо битар.

Тил мисоли аридур кимдир андин заҳр йиғур,

Ким эса бол тўплабон шаҳду шакар ҳалво битар.

Биров борки, эгри сўзинг тўғрилаб лутф айлагай,

Биров борки, тўғри сўздин эл аро ғавғо битар.

Зайниддин, доимо бўлгил сен тилингга эҳтиёт,

Тил захми кетмагай, тиғ солган яро битар.

©️ Зайниддин Баҳриддинов