abdullajon1212

Ғурурланма ожиз банда,

Ўлмасликка чора борми,

Куз ҳазон қилган гул каби,

Сўлмасликка чора борми?!

Ҳаёт давру даврон ўтар,

Ҳар кимсани ҳисоб кутар,

Ёғи битган чироқ тутар,

Сўнмасликка чора борми?!

Шошиб кирма эгри йўлга,

Жон фидо қил тўғри йўлга,

Ширин жонинг Азроилга,

Бермасликка чора борми?!

Дўст кўринган ҳамма дўстмас,

Ибодат қил, умр кутмас,

Ётиб кўр гўрда ҳам бир пас,

Ётмасликка чора борми?!