Shahzod Sirdaryoiy

Allohni seving mendan ziyoda

Allohni seving(iz) mendan ziyoda,

Rasululloh deya koʻz yoshlar toʻking.

Mezbon emasmiz, mehmon dunyoda

Sevsangiz yagona Allohni seving.

Sevgingiz biladi, sevsangiz chindan,

Xabardor boʻladi kunlar-u tundan,

Moʻjiza yaralar muhabbatli dildan,

Sevsangiz yagona Allohni seving.

Mashrabdek sarson-a dunyoni kezing,

Bu yurak qurgʻurni maydalang ezing,

Sizlar ham haqiqiy ishqini sezing,

Sevsangiz yagona Allohni seving.

Qahrida jahannam, rahmati jannat,

Bermasa olam yoʻq, bersa-ku himmat,

Topsangiz dunyoda juda ham qimmat

Sevsangiz yagona Allohni seving.

Tilingizdan tushmay, zikrini ayting,

Yurakka muhrlangan shukrini ayting,

Rizoligin izlab fikrini ayting,

Sevsangiz yagona Allohni seving.

Bandaning sevgisin bir davosi bor,

Oʻzidan uyalar kibr havosi bor,

Allohni sevsangiz oʻt navosi bor,

Sevsangiz yagona Allohni seving.

Jannat uchun emas, illatga yoʻymay,

Qilingan taqvoga ishonib qoʻymay,

Ikki dunyosini ortiqcha suymay,

Sevsangiz yagona Allohni seving.

Elshod Yahyo