داعية اسلامي

عارف انك حاسس بالعجز والموضوع زاد عن الوصف

عارف إن نفسك تعمل حاجة ومش قادر ..

بس خليني افكرك إن مهما حصل ماينفعش نيأس ولا نضعف ،ماينفعش نزهق ولا نمل

ربنا قالنا:

"فَلَا تَحْسَبَنَّ اللَّهَ مُخْلِفَ وَعْدِهِ رُسُلَهُ ۗ إِنَّ اللَّهَ عَزِيزٌ ذُو انتِقَامٍ"

ده وعد ربنا اللي وعده :"إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ"

والله النصر جاي بوعد ربنا ..بس بلاش عجز وإحباط

المهم إنت تقوم بدورك ولا يكلف الله نفسا الا وسعها ..

انت مش مكلف انك تعمل اكتر من اللى تقدر عليه بس انت اعمله

مطلوب منك الدعااااااء كتييييير من غير زهق ولا ملل

مطلوب الاستغفار والأعمال الصالحة اللي تخلينا أمة أهل للنصر ده

انشر القضية في كل حتة عشان ماحدش ينساها خالص

ساعدهم بالدعم المادي لو تقدر أو حتى بالمقاطعة

أهم حاجة ....

ماترميش القضية الله يسترك