اَلسَلامُ عَلَيْكُم وَرَحْمَةُ اَللهِ وَبَرَكاتُهُ
ሒጃብ ነው ውበትሽ
ሙስሊሟ እህቴ ሆይ - አንዴ ጆሮ ስጭኝ
ላንች የምትጠቅም -ቲንሽ ምክር አለችኝ።
በርግጥ አይጠፋሽም - ይህ ላንች ግልጽ ነው
ግን እንዳትዘነጊው - ላስታውስሽ ብየ ነው።
ይሄውልሽ እህት - ምክሬ እንድህ የሚል ነው
አሏህን ያልፈራ - አደብ የሌለው ሰው
"አይንሽ በጣም ያምራል - የንጋት ኮከብ ነው
ጸጉርሽ ሐር ይመስላል - አንገትሽ ዞማ ነው
ጥርሶችሽ ያምራሉ - የደስደስ አላቸው
ደግሞ ዘበኛውም - ከንፈርሽም ማር ነው
አቦ ደስ ትያለሽ - በጣም ውብ ቆንጂት ነሽ
ለዚህ አረማመድ - ለለጋው ቁመትሽ
ለዞማው አንገትሽ -ለቀጭን ወገብሽ
ለትርንጎው ባትሽ - ሎሜ ተረከዝሽ
ለቀጭን እጆችሽ - ለ አለንጋ ጣቶችሽ
ሒጃብ ምን ሊሆንሽ -መሸፈን ለምንሽ ?
ጅልባብ ብሎ - አልባሳት
ከራስ - እስከመሬት
ጡት አያሳይ- አንገት
የወገብን ቅጥነት - ከውጭ የማያሳይ
የዳሌሽን መጠን - በቅጡ የማያስለይ
እረ ይደብራል - የጅልባብ ስፋቱ
ለውበትሽ ሳይበጅ - በዛው ላይ ሙቀቱ
አትልበሽው አልኩሽ - በቃ ይቅር ተይው
ደግሞ በዚ ሙቀት - የምን መጨነቅ ነው?
ቅርጽሽን የሚያሳይ - ጠበብ ያለ ልበሽ
ባይሆን አጠር ይበል - እንዳያስቸግርሽ
አየርም ተቀበይ - በመላ አካላትሽ ።
እንድህ ነው ቁንጅናሽ -እንድህ ነው ዉበትሽ
ያየሽ ፈዞ ሲቀር - ዝናሽ ሲወራልሽ
ፈላጊሽ ሲበዛ - ሲከበብ ሰፈርሽ
አጃቢሽ ሲበዛ - ከኋላ ከፊትሽ
የአይን ሻውር ሁነሽ - በሃገር መጠራትሽ
እንድህ ነው ቁንጂናሽ - እንድህ ነው ውበትሽ።”
ብሎ የሚመክርሽ - የሰፈር ወጠጤ
ይሁዳ የቀረጸው - አስተሳሰቡ መጤ
ለህይወቱ የማያቅ -ለሰይጣን እጅ የሰጠ
ከ ኢስላም ምህዋር - ወጥቶ ያፈነገጠ
ህሊናውን የሳተ - ልቡ የቀለጠ
በምርቃና ሰምጦ - አይኑ የፈጠጠ
ማስተንተን አቅቶት - ስሜት የሚገዛው
በሱስ ተበርዞ - አላማው የጠፋው
እንኳን ላንች ሊመክር - ለራሱ ጨልሞት
እልቅ እኔን ስሚኝ - አትዘናጊለት።
በውሸት ታፍኖ - አንደበትሽ ሳይዝል
ፈጣሪ ያደለሽ - ማንነትሽ ሳይጎድል
ተከብረሽ ለመኖር - በቁም ላለመሞት
ነገር ሳይበላሽ - አሁን ላይ ነው መንቃት
አድናቂሽ ቢበዛ - በሽወች ቢቆጠር
የወጣቱ መንጋ - በሰፈርሽ ቢዞር
ከፊትሽ ቢመራ - ከኋላሽ ቢከተል
እንደ አሸን ቢፈላ - በዝቶ ቢጉተለተል
ምላሱን ቢያጣጥፍ - ውሸቱን ቢቀምር
ዘንጦ ቢወጣ - ምንም መልኩ ቢያምር
እሽ ያልሽው እለት - ስሜቱን አርክቶ
አንችን ጨለማ ውስጥ - ወንጀል ውስጥ ከቶ
ክብርሽን አጉድፎ - ስምሽን አጥፍቶ
ደበርሽኝ ይልሻል - ልቡ ሌላ አስቦ - ስሜቱ አገርሽቶ
ያንችም እጣ ፈንታ - ግልጽ ነው ታቂያለሽ
ካጠገብሽ ሲርቅ - ያመንሽው ሲከዳሽ
አባብሎ አሙኝቶ - ወንጀል አሰርቶሽ
ጥሎሽ ገለል ሲል - ክብርሽን ቀምቶሽ።
እውነት - በጣም ያማል
ህሊናን - ያቆስላል !!!
የወንጀሉ ክብደት - ሳይደንቀው ሳያፍር
ለሚሰማው ሁሉ - ያወራል በዝርዝር
ዝና እየመሰለው - አይጠብቅም ምስጢር
ከአሏህ ያጣላሽ -ወንጀሉ ሳያንስሽ
በተከበርሽበት - በሰፈሩ አስንቆሽ
ጥሎሽ ዘወር ሲል - ከሚያይል ጸጸትሽ
ከነዳማ ክምር - ከማታርፊው ወቅተሽ
ብትሰሚኝ ጥሩ ነው - እህቴ ልምከርሽ
ሒጃቡን ልበሽው - መስፈርቱን ጠብቀሽ
ተትረፍርፎ ይውረድ - መሬት ላይ ይጎተት
ጎኑም እንዳይጠብሽ - ይሰራ በስፋት
የሳሳም እንዳይሆን - አውረትን የሚያሳይ
ከለሩም ይደብዝዝ - እንዳይሆን አማላይ
ጽዳቱም ይጠበቅ - ይያዝ በጽሞና
የሙስሊምነት አርማሽ - መለያሽ ነውና።
የክብርያሽ ምንጩ - ታይተሽ መታፈሪያሽ
በዱኒያ በአኺራ - በኸይር መጠሪያሽ
ስትሸፈኝ እንጅ - አይደለም ተጋልጠሽ
ጠበቅ አድርገሽ ያዢ - ሒጃብ ነው ውበትሽ።
ለመከርኩሽ ምክር - "ማስረጃውን?" ካልሽኝ
በ ሱረቱል አህዛብ - አንቀጽ ሃምሳ ዘጠኝ
በግልጽ ተቀምጧል - አልዋሽም እመኒኝ።
ከአመታት በፊት የተጻፈ
اَوَّل بِن نُورُ(اب عمران)
9
2
1