فكر سوي

حقائق قرآنية في حرب غزة (3)

{يُثَبِّتُ اللَّهُ الَّذِينَ آمَنُوا بِالْقَوْلِ الثَّابِتِ فِي الْحَياةِ الدُّنْيا وَفِي الْآخِرَةِ}.

مكالمة مع الأهل في غزة

استطعت اليوم مكالمة أهلي فيديو كول وأنا أتقطع رهبة وهذه المكالمة:

أبي: كيف حالك يا محمود يارب تكون بخير يابا

أنا: انت بتسألني كيف حالك .. انتو كيف حالكم

أبي: احنا الحمد لله بخير وامورنا كويسة والمعنويات عالية .. انت دير بالك ع حالك يابا .. نام وكول ووكل أمرك لله .. بدنا نعمل بكرة مفتول .. اجوا عنا نسايب اخوك ربنا نجاهم من القصصصف امبارح وقعت الدار عليهم

انا: حسبنا الله ونعم الوكيل .. الحمد لله عسلامتهم بس مفتول يابا .. مشووا حالكم باي اشي وتضيعوش الغاز والمي؟

أبي: عيب يابا

أنا: الله يثبتكم ويصبركم وحسبنا الله ونعم الوكيل.. في ناس غيركم بالمنطقة؟

أبي: كتير ناس رجعت يابا .. أصلا بنطلع نقعد ع راس الشارع نتحدت .. زهقانين

انا: بلاش يقصصصفوكوا .. بلاش راس الشارع

أبي: العمر واحد والرب واحد والي كاتبه ربنا بده يصير .. خود هاي اخوك عبد الله احكي معاه

عبد الله: وين يخو .. يا شيخ تخفش فش اشي ..

أنا: وين يا عبد الله .. مالك نضفان وممشط شعرك

عبد الله: اخيرا تحممت يخو واخوك سليم حلق شعره وزبط حاله عشان لما نستتتشهد نكون نضاف

وانقطع الاتصال

- محمود وائل قنديل