mdl4y

في ظل الظروف دي في ناس ممكن الشيطان يدخلهم و عقلها يسوحها فيتسألوا

طب لحد امتى هيفضلوا كدا؟

طب امتى الفرج؟

ربنا هينصرنا امتى، متى نصر الله؟

فـ قبل اي حاجة استعيذ بالله من الشيطان وخد نفسك كدا واهدأ لأن ربنا سبحانه وتعال عليم بكل شئ خبير وحكيم واحنا كل ما علينا الرضا بالقضاء والقدر خيره وشره والصبر لأن الله مع الصابرين والنبي ﷺ قالنا على اللي بيحصل دا بالحرف..

فقد قال عبد الله بن الإمام أحمد: وجدت بخط أبي، ثم روى بسنده إلى أبي أمامة قال:

قال ﷺ: "لا تزال طائفة من أمتي على الدين ظاهرين، لعدوهم قاهرين، لا يضرهم من خالفهم إلا ما أصابهم من لأواء (جوع وعطش)، حتى يأتيهم أمر الله. وهم كذلك، ولكن لايضرهم من خذلهم"

قالوا: يا رسول الله وأين هم؟

قال: "ببيت المقدس وأكناف بيت المقدس"

[وأخرجه أيضا الطبراني]

فــ دا كله بيحصل بإرادة وحكمة ربنا سبحانه وتعال و ملناش غير اننا نرضى بيه و ندعو بالخير لأخواتنا و نساعدهم بكل اللي نقدر عليه من تبرعات، توعية، فضح الاحتلال، نقل الاخبار،دراسة للموضوع من اوله...الخ

كل اللي تقدر عليه اعمله هات اخرك ولو حتى بالمظاهرات بس المهم محدش يستغل تعاطفك وحبك لأخواتك ويوجهه على مزاجه احنا مش عرايس في ايد حد.

﷽ "وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ"

[ العنكبوت: 69]

لازم كلنا نجاهد في سبيل رفع كلمة الله في سبيل الحق و في سبيل تحرير فلسطين فــ لو مش قادر تجاهد بأموالك او نفسك ف على الأقل جاهد بـالكلمة..

برأ نفسك قدام ربنا سبحانه وتعال بالكلمة

• طب هو في جهاد بالكلمة ؟

_ عن أنس أن النبي ﷺ قال:

"جَاهِدُوا المشركين بأموالكم وأنفسكم وألسنتكم"

[رواه أبوداود والدارمي والنسائي وأحمد]

فـسمى النّبيُّ ﷺ الدعوة وإظهار الحق جهادً.

_ و عن أبي سعيد الخدري قال:

سمعت رسول الله ﷺ يقول:

"من رأى منكم منكرا فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان."

[رواه مسلم]

اذا فالكلمة علينا حق طالما معافين و قادرين نقولها يبقى نقول فــ في زمن زي دا اصبحت فيه معظم الحروب حروب كلامية، مقروءة، مسموعة ومرئية

فواجب علينا بعد أن تحرك اهل الباطل لباطالهم اننا نواجههم بالحق..

"فـالكلمة الصادقة هي السيف الذي يُجاهد به المسلم"

فبها تقوم الحجة وبها يسقط الباطل وبها تصحوا القلوب وبها يرضى العاقل.

و زي ما ربنا سبحانه وتعال ذكر في سورة الأحزاب..

"يَاأَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا (70) يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا"

[الأحزاب: 70-71]

و زي ما كان النبي ﷺ يدعو الكفار ويقاتلهم كان يدعو المؤمنين ويذكرهم فــ دا كله من هديه ﷺ اللي واجب على كل مسلم ان يتبعه فيه

فــ جاهد باللي تقدر عليه سواء بالكلمة او اكتر المهم تعمل اللي تقدر عليه لأنه في وقت زي دا لازم تكون الكلمة واضحة يا مع يا ضد فـ برأ نفسك قدام ربنا سبحانه وتعال بأي حاجة وحتى لو كنت ساكت قبل كدا او بتتريق فــ ادعي الله انه يغفرلك و عوض دا بالجهاد ف سبيل رفع كلمة الله و ميهمكش اي ممكن يحصل او يتبصلك ازاي او يتقال عليك اي كل دا مش مهم المهم هو اللي جواك نيتك هي المهمة اللي محدش مُطلع عليها غير ربنا سبحانه وتعال فـ أعمل اللي عليك وإن شاء الله خير

و ديما خليك فاكر قول ربنا سبحانه وتعال

"أَمْ حَسِبْتُمْ أَن تَدْخُلُوا الْجَنَّةَ وَلَمَّا يَأْتِكُم مَّثَلُ الَّذِينَ خَلَوْا مِن قَبْلِكُم ۖ مَّسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّىٰ يَقُولَ الرَّسُولُ وَالَّذِينَ آمَنُوا مَعَهُ مَتَىٰ نَصْرُ اللَّهِ ۗ أَلَا إِنَّ نَصْرَ اللَّهِ قَرِيبٌ"

[البقرة: 214]