dj_niza

Чун бубайриз акунайтlа.⁣⁣⠀

⁣⁣⠀

Кар кеспи авачиз къекъвезвай,⁣⁣⠀

Руш патавай фейила элкъвезвай,⁣⁣⠀

Гьарай ацалтна хъуьрезвай,⁣⁣⠀

Чун бубайриз акунайтlа…⁣⁣⠀

⁣⁣⠀

Чин тийидай кlелиз Кьуркьан,⁣⁣⠀

Гьахъ гаф лагьайди такан,⁣⁣⠀

Кваз кьан тийиз пак Рамадан,⁣⁣⠀

Чун бубайриз акунайтlа…⁣⁣⠀

⁣⁣⠀

Яракьдин паталай телифун гвай,⁣⁣⠀

Вижевай машин кlаник квай, ⁣⁣⠀

Кьил хкажна къекъведай цавай,⁣⁣⠀

Чун бубайриз акунайтlа…⁣⁣⠀

⁣⁣⠀

Уьмметдивай къакъатнавай,⁣⁣⠀

Сив пlапlрусдик акатнавай,⁣⁣⠀

Пиян хьана хкатнавай,⁣⁣⠀

Чун бубайриз акунайтlа…⁣⁣⠀

⁣⁣⠀

Жуван чилел мугьман хьайи,⁣⁣⠀

Къулайвал патал азадвал гайи,⁣⁣⠀

Кафирдин пацук, лукlвал кани,⁣⁣⠀

Чун бубайриз акунайтlа…⁣⁣⠀

⁣⁣⠀

⁣⁣⠀

Рикlе авай дердерикай ахъагъайтlа,⁣⁣⠀

Абуру зи мез кудачни кьван?⁣⁣⠀

Дердер дуьнйадихъ агакьайтlа,⁣⁣⠀

Руг жеда сувар кьакьан.⁣⁣⠀

⁣⁣⠀

Къене туртlа руьгьдин дегьнеда, ⁣⁣⠀

Абуру зи рикl кудачни бес?⁣⁣⠀

Кукра тар хьиз, зун къеняй неда,⁣⁣⠀

Уьмуьрдихъ рекьида гьевес. ⁣⁣⠀

⁣⁣⠀

Акъудайтlа дердер къецел,⁣⁣⠀

Затlни тадач, дуьнйа куда.⁣⁣⠀

Руьгь кана, туртlани гел, ⁣⁣⠀

Амукьрай абур зи хуруда.

#стихналезгинском

Са ксарал чин ала, садбурал сфат, ⁣⁣⠀

Са халкьариз регьбер ава, чаз са цфатl!⁣⁣⠀

⁣⁣⠀

Сад экъечlиз муькуьд къвез,⁣⁣⠀

Пул чуьнуьхиз хъуьрез-хъуьрез,⁣⁣⠀

Халкьдикай фикирдай касни авач,⁣⁣⠀

Халкьдин дердер гьич аквадач.⁣⁣⠀

⁣⁣⠀

Гьар йисуз, гьар гатуз,⁣⁣⠀

Адет хьана эквер атlуз.⁣⁣⠀

Хуьр, шегьер кьурана булах, ⁣⁣⠀

Квекай чара атlана Валлагь.⁣⁣⠀

Канта лезги хьуй, канта авар, ⁣⁣⠀

Хийир авач анжах зарар.⁣⁣⠀

«Автоматически» ягъиз хашар,⁣⁣⠀

Гайи гаф кьан тийидай устlар.⁣⁣⠀

⁣⁣⠀

Жуван халкьдикай кичlе регьбер, ⁣⁣⠀

Рикlивайни вун йа гьер.⁣⁣⠀

Гьерезни ава валай гзаф,⁣⁣⠀

Намус, акьул, инсаф.⁣⁣⠀

⁣⁣

Цlийи йис.⁣⁣⠀

⁣⁣⠀

Чин тийизвайбурухъ агакьар,⁣⁣⠀

Лезгийриз ава къадим сувар.⁣⁣⠀

Рази туширбур ахмакьар,⁣⁣⠀

«Цlийи йис» а суварин тlвар.⁣⁣⠀

⁣⁣⠀

Хъвана, хъвана пиян хьун,⁣⁣⠀

Ам лезгийрин адет тир.⁣⁣⠀

Къуни къуншидиз зиян гъун,⁣⁣⠀

Халкьдиз авай хесет тир.⁣⁣⠀

⁣⁣⠀

«Jingle Bells» мани чи,⁣⁣⠀

Вири халкьдиз ам чида.⁣⁣⠀

Муьтхьвер тар кlани чи,⁣⁣⠀

Гьарма сада кlвале хуьда.⁣⁣⠀

⁣⁣⠀

Сувар хиве такьурди⁣⁣⠀

Чинни чуьхуьз течидай вабист ⁣⁣⠀

Ахмакь, дуьнья такурди⁣⁣⠀

Гьакl хьайила лал хьана кис! ⁣⁣⠀

⁣⁣⠀

Кхьей шиир хъуьруьн я са,⁣⁣⠀

Кlелзавайди, рикlихъ кьамир.⁣⁣⠀

Лекьерин хва , дин гумир маса, ⁣⁣⠀

Чарадан адет чи арада твамир. ⁣⁣⠀

⁣⁣⠀

Кьведра кьвед, кьуд жеда⁣⁣⠀

Лагьайла къе, чlалахъда акьадач.⁣⁣⠀

Четинвал алатайла регьятвал къведа⁣⁣⠀

Амма буьркьуьдаз ам аквадач.⁣⁣⠀

⁣⁣⠀

Кьведра кьвед вад я лугьуз!⁣⁣⠀

Гьавалат хьана гьарайзава.⁣⁣⠀

Рази туширбурухъ галтугиз,⁣⁣⠀

Амайбуру тикрарзава.⁣⁣⠀

⁣⁣⠀

Жувандакай чаради, чарадакай жуванди,⁣⁣⠀

Аламат чlавун шегьидар я чун.⁣⁣⠀

Кlанидакай тlакlанди, такlандакай масанди,⁣⁣⠀

Бубаяр лекьер тиртlани, велед я къузгъун.⁣⁣⠀

⁣⁣⠀

Кьведра кьвед баранбар я кьудаз ⁣⁣⠀

Ачухдиз лугьузвайди азад кас⁣⁣⠀

Тахьайтlа, гапур хьурай хуруда⁣⁣⠀

Азад тушир халкьдиз кьиникь я хас. ⁣⁣⠀

⁣⁣⠀

✎ Джалалдинрин Низами